Tagaytay

Isa ang tagaytay sa tatlong lungsod na nagmula sa lalawigan ng cavite na itinuturing na “Second summer capital of the Philippines” pagkatapos ng baguio. Ang lugar ng Tagaytay ay hindi kalayuan sa kamaynilaan kaya namat kaliwat kanan ang dumarayo rito. Hindi lamang kilala ang lugar na ito sa mahalumigmig nitong klima ngunit tanyag din ang lungsod na ito dahil sa mga pambihira nitong mga kainan, naggagandahang mga resort at mga kahanga-hangang tanawin. Halina’t sabay-sabay nating lakbayin ang lalawigan ng Tagaytay.

                Isa sa pinakapopular na tanawin sa Tagaytay ay ang Lawang Taal. Natatangi ang lawa na ito sapagkat mayroon itong isla sa gitna (Bulkang taal), na may sarili ring lawa sa loob at isa pang isla sa loob ng ikalawang lawa na ito. Tunay nga naming kamangha-mangha ang tanawin mula sa itaas na sinamahan pa ng malamig at peskong hangin.

                Hindi makukumpleto ang iyong  pagbisita kung hindi mo matitikman ang mga pambihiang kainan sa lalawigan ng Tagaytay. Marami sa mga kainan dito ay naka-puwesto sa tabi mismo ng bangin na kung saan matatanaw mo ng buo ang Lawa ng taal at ang bulkan nito.

                Isa sa aming napasyalan ay isa sa mga pinakatatagong yaman ng lungsod Tagaytay, ito ay ang Puzzle Mansion. Kami ay nahirapang hanapin ito sapagkat ito ay matagpuan sa gitnang bahagi na ng lungsod. Ang daan papunta rito ay maliit at matarik kaya nama’t hindi makakapasok ang malalaking sasakyan. Isa ito sa mga naitala sa Guinness world records dahil ito ang may pinakamaaming naitalang jigsaw puzzles sa buong mundo.

                                                                                                                                      VALDEZ, Jazhel 

                                                                                                                                       12-St. Eusebia

                                                                                                                                  Pictorial Essay