Alaala ng Paglalakbay sa Bansang Singapore

Ang pamamasyal ay isa sa pinakamaligayang gawain lalo na kung kasama natin ang ating pamilya. Noong Enero 2017, kasama ko ang aking mga mahal sa buhay nang magtungo kami sa bansang Singapore upang igunita ang kaarawan ng aking nakababatang kapatid. Para sa akin, ito ay isa sa pinakamasayang pangyayari sa aking buhay. 

Ang bansang Singapore ay tinaguriang disiplando sapagkat ito ay tanyag bilang pinaka masinop na bansa sa buong mundo. Higit pa rito, ang mga mamamayan ng Singapore ay may malawak na kamalayan sa pagprotekta ng kanilang kapaligiran. Ang kanilang relihiyon naman ay karamihan binibilangan ng Budismo. Kilala rin ang kanilang ekonomiya bilang maunlad.

.Una naming pinuntahan ay ang Universal Studios na matatagpuan sa loob ng Resorts World Sentosa. Iba't-ibang klaseng mga rides at magagandang atraksiyon ang makikita sa loob. Maaari rin magpakuha ng litrato sa iba’t ibang kilalang karakter na naglilibot dito.

Nang maggabi, kami ay nagtungo sa Merlion Park. Dito matutuklasan ang leon na si Merlion na kinikilalang simbolo ng bansang Singapore. Kaya’t para sa mga turistang katulad ko, nararapat lang na bisitahin ang parke na ito upang mas maging makabuluhan ang iyong paglalakbay.

Sa sumunod na araw naman ay binisita namin ang Marina Bay Sands na matatagpuan sa Bayfront Avenue. Ako ay lubos na namangha sa shopping mall na ito sapagkat ang Marina Bay Shoppes ay isang underground walking mall. Ang entrance at exit nito ay matatagpuan sa pinakataas na palapag

Ang huling pinagmamalaking turismo ng Singapore na aming napuntahan ay ang Gardens by the Bay. Ang loob nito ay may iba’t ibang mga uri ng bulaklak at mga halaman. Ang ganda ng paligid ay lubos na nakakaaliw lalo na sa mga mahilig kumuha ng litrato. Kung ako’y tatanungin, mas mainam na pumunta sa parke na ito tuwing gabi sapagkat nagkakaroon ng mga magagandang ilaw ang mga puno at mga halaman kapag nagdidilim na ang paligid.

Marami akong natutunan sa aming paglalakbay at hinding hindi ko makakalimutan ang aking mga natutunan sa kasalukayan. Napagtanto ko na mahalaga ang pag balanse ng oras at ang pagsunod sa iskedyul upang makalibot sa maraming pasyalan. Bukod pa rito, aking natutunan ang ilan sa mga kultura at pamumuhay ng mga mamamayan sa bansang Singapore. 

                                                                     

                                                                                              

                                                                                             DE GUZMAN, Chevy
                                                                                     12-St. Eusebia
                                                                                     Pictorial Essay