Baler

             Mahilig ako magpunta sa iba’t ibang lugar lalo na sa madadagat na lugar dahil hilig ko sa mga aktibidad sa katubigan katulad lamang ng pag surf. Ang baler ay isang lalawigan sa aurora at isa sa mga surfing spot sa pilipinas. Hindi lamang ang kagandahan ng kalikasan ang dinadayo dito kung hindi ang pag surf din. Ang baler ay isa sa mga gustong gusto kong binabalik balikan dahil sa preskong hangin at magandang tanawin. Hindi ito populadong lugar kaya masarap pumunta dito. 

               Ito ang una kong pagsurf sa baler noong 2012. Maganda ang kanyang dagat, malinis. Kokonti pa lamang ang mga taong dumadalo dito kaya malaya kang makapag surf at walang kompitensya sa lugar at dagat. 

           Isa sam ga gawain ng turista ay tumugtog sa tabing dagat at bilang isang turista sa lugar na ito ako din ay tumogtog sa ilalim ng tulay ng tabing dagat. Ang tunog ng alon at hangin ay kay sarap pakinggan at samahan pa ng tunog ng ukulele.

              Ang simoy ng hangin na walang usok. Ang tubig na walang anumang dumi o kalat. Ang dagat na walang bakas ng tao. Dumarami na ang mga dumadayo ngayon sa baler pero nananatili ang kanyang kagandahan.

             

              Isa sa mga iniintay dito ay ang pag lubog ng araw. Habang palubig ang araw ay sumasalamin ang ilaw sa dagat at lumilikha ng isang magandang tanawin.

     Ang kagandahan ng ulap ay nagtutugma sa kagandahan ng dagat na parang silay nagsasalamin sa isat isa. Ang kagandahan niyo ay hindi lamang kung saan saan nakikita.

CARANDANG, Anna

12-St.Eusebia

PICTORIAL ESSAY